Nýtt líf á Breiðhöfða

Á Borgarhöfðanum rís nú nýtt og spennandi íbúðahverfi þar sem nútímaleg hönnun mætir mannlífinu og nátturunni. Glæsilegar og fjölbreyttar íbúðir taka mið af þörfum ólíkra fjölskyldugerða og þeirra sem vilja njóta þæginda borgarlífsins – með þjónustu, verslun, menningu og útivist í næsta nágrenni.

ÍBÚÐIR

Vandaður frágangur utanhúss

Við hönnun á Breiðhöfða var lögð áhersla á vandaðar og tryggar lausnir m.t.t endingar bygginga. Útveggir bygginga eru einangraðir að utan sem lágmarkar kuldabrýr og eykur orkunýtni.

Gæðaáltrégluggar frá traustum framleiðanda

Gluggar eru vottaðir gæðaáltrégluggar frá traustum framleiðanda með reynslu af íslenskum aðstæðum.Til að tryggja þéttleika glugga í byggingum er hluti þeirra þrýstiprófaður að ísetningu lokinni.

Brunaþolinn öndunardúkur er settur undir álklæðningu og yfir útveggjaeinangrun. Öndunardúkur tryggir að einangrun haldi einangrunargildi sínu vegna þess að:

  • Öndunardúkur tryggir að ekki blási kalt loft inn í einangrun.
  • Öndunardúkur tryggir að vatn eigi ekki greiða leið inn í útveggjaeinangrun og inn að útvegg.

Þakfrágangur er viðsnúið þak, þ.e. tvöfaldur ábræddur þakpappi, XPS-einangrun og farg. Auk hefðbundins frágangs er drenandi dúkur settur undir einangrun og afrennslisdúkur ofan á hana. Hvort tveggja eykur gæði einangrunarinnar.

Frágangur innanhúss

Það er heilt teymi hönnuða sem koma að því að búa frágang íbúðanna þannig að þær séu heilnæmar og án skaðlegra efna. Allar innréttingar, gólfefni og málning er umhverfisvottuð. Milliveggjasteinn er umhverfisvænn og hefur jafnframt þol gegn raka og myglu.

Allar hönnunarlausnir og efnisval er yfirfarið af hljóðhönnuði og eru dagsbirtuútreikningar gerðir til að tryggja björt íverurými. Hönnuðir skila orkuútreikningum fyrir bygginguna og sjálfvirk ljósastýring er í öllum sameignarrýmum.

Sjálfstætt loftræstikerfi í hverri íbúð sem tryggir viðunandi magn fersklofts og útsogs í hverju rými. Loftræstisamstæðan er með hitaendurvinnslu sem nýtir varma frá útsogi til upphitunar á fersklofti.

Þakíbúðir með auknum gæðum

Á efstu hæðum húsanna verða glæsilegar þakíbúðir sem skera sig úr með auknum gæðum. Þar má finna rúmgóða þakgarða og möguleika á heitum potti – fullkomið rými til að njóta útsýnis, sólseturs og kyrrðar í miðri borginni.

Skoða íbúðir

Glæsilegar og tímalausar innréttingar

Íbúðirnar eru hannaðar með áherslu á tímalausa fegurð og gæði. Eldhús- og baðinnréttingar eru vandaðar og blöndunartæki valin úr hæsta gæðaflokki. Hér er ekkert til sparað og vel gætt að öllum smáatriðum.

Sýningaríbúðir

Breiðhöfði – hönnun og arkitektúr

Tvær öflugar arkitektastofur komu að hönnun húsanna við Breiðhöfða. Arkís arkitektar hönnuðu húsin við Breiðhöfða 9–13 en Nordicarch arkitektar sáu um hönnun húsanna við Breiðhöfða 15–35. Samspil ólíkra áherslna skapar heildstæða og áhugaverða götumynd.

Hönnun

Borgarhöfði – nýtt íbúðahverfi í mótun

Borgarhöfðinn gengur í gegnum mikla umbreytingu þar sem fyrrverandi atvinnusvæði þróast í heildstætt íbúða- og þjónustuhverfi. Deiliskipulag svæðisins er metnaðarfullt og miðar að því að skapa lifandi borgarhluta með fjölbreyttri þjónustu, verslun og menningu.

Nánari upplýsingar um þróun Borgarhöfðans má finna á borgarhofdi.is.

Breidd í úrvali íbúða

Í húsunum verða alls 165 íbúðir af mismunandi stærðum og gerðum sem henta ólíkum þörfum og lífsstíl. Lögð er rík áhersla á vandaðan frágang íbúða. Allar íbúðirnar eru útbúnar loftræstikerfi með varmaendurvinnslu sem tryggir mikil loftgæði og þægilegt inniloftslag.

Í kjallara húsanna eru bílageymslur með einkastæðum og geymslum. Þá er sérstaklega vel hugað að hjólandi íbúum með rúmgóðum hjólageymslum sem tengjast beint við hjólastíga hverfisins.

Framkvæmdaraðili með ríka áherslu á fagmennsku

Að byggingu húsanna við Breiðhöfða 15–35 stendur Skuggi byggingarfélag. Fyrirtækið var stofnað árið 2011 og hefur komið að fjölmörgum verkefnum þar sem áhersla er lögð á vönduð vinnubrögð, gæði og fagmennsku. Verk Skugga má skoða á skuggi.is.

Skoða meira